Wednesday, May 15, 2013

അക്ഷരം 

                                                                                                                               (ഫോട്ടോ ഗൂഗിള്‍ )


അമ്മതന്‍ നാവില്‍ നിന്നുതിര്‍ന്ന്  വീണ 
സ്നേഹത്തിന്‍ ആദ്യാക്ഷരം അമ്മിഞ്ഞ പാലിന്റെറ 
മാധുര്യത്തോടെ ഇന്നും ഓര്‍ത്തിടുന്നു
അരിയില്‍ വരച്ചിട്ട ആദ്യാക്ഷരത്തെ
സ്നേഹത്തോടെ നമിച്ചിടുന്നു 
വര്‍ണ്ണാക്ഷരങ്ങള്‍ തെറ്റാതെ ഉരുവിട്ട് പഠിപ്പിച്ച 
ഗുരുവിനെ ബഹുമാനത്തോടെ ഓര്‍ത്തിടുന്നു 
വര്‍ണ്ണാക്ഷരങ്ങള്‍ കൊണ്ട് ഞാന്‍ 
സ്നേഹത്തിന്‍ വാക്കുകള്‍ മെനഞ്ഞെടുത്തു
ആ വാക്കുകളൊക്കെയും സ്നേഹത്തിന്‍ 
മഴയായി എന്നില്‍ പെയ്യ്തിറങ്ങി  
വര്‍ണ്ണാക്ഷരങ്ങള്‍ കൊണ്ട് തീര്‍ത്ത വാക്കുകളുടെ 
മായാ പ്രപഞ്ചത്തില്‍എപ്പോഴൊക്കെയോ 
ഞാന്‍ ഒറ്റപെട്ട് പകച്ച്‌ നില്‍ക്കുന്നു 
അമ്പൊഴിഞ്ഞ ആവനാഴിയെ പോല്‍ , വാക്കുകള്‍ 
ഒഴിഞ്ഞ മനവും, ചലനമറ്റ തൂലികയുമായ്
നിന്‍ സ്നേഹത്തിന്‍ കരസ്പര്‍ശം വീണ്ടുമെന്‍ 
തൂലികയെ തലോടുമെന്ന പ്രതീക്ഷയുമായ് ....




6 comments:

  1. അക്ഷരങ്ങളെ മനോഹര പദങ്ങളാക്കിയും അവകൊണ്ട്‌ സ്നേഹത്തിന്റെ മഴയുതിർക്കുന്ന ചിത്രം വരച്ചും പിന്നെ അവിടെ തനിച്ചും, പകച്ചും, നിലച്ചും കടന്നതും; മൊഴിയറ്റ മനസ്സിൽ മനനം നിറഞ്ഞതും തൂലികത്തുമ്പിലാ വാക്കു വരണ്ടതും ഒക്കെ നിറനാഴി വാക്കിനാൽ സരസ്വതീ കൃപയായി ഇവിടെയും കാണാം. വാക്ധാര ഇടറാതെ മുറിയാതെ തുടരാൻ വരികളിൽ സ്വയം നിറയുക. അഭിനന്ദനം :)

    ReplyDelete
    Replies
    1. വിലയേറിയ അഭിപ്രായത്തിന് നന്ദി മാഷേ @ മോഹന്‍

      Delete
  2. ഹരിയെന്നോരക്ഷരമെന്‍ വിരലില്‍ പിടിച്ചു മോദാല്‍
    അരിതന്നിലെഴുതിച്ച ഗുരുനാഥാ...

    ReplyDelete
    Replies
    1. വിലയേറിയ അഭിപ്രായത്തിന് നന്ദി മാഷേ @അജിത്‌

      Delete
  3. Replies
    1. വിലയേറിയ അഭിപ്രായത്തിന് നന്ദി അഭി @ അഭിലാഷ്

      Delete