കഴിഞ്ഞ് പോയ നല്ലതും, ചീത്തയുമായ ദിനരാത്രങ്ങള്ക്ക് വിട പറഞ്ഞ് കൊണ്ട് നന്മയുടെയും, സ്നേഹത്തിന്റെയും, സാഹോദര്യത്തിന്റെയും ഒരു പുതു വര്ഷം കൂടി വരവായി . ഇനി വരാന് പോകുന്ന ദിനങ്ങള് ഐശ്വര്യ സമൃദ്ധമായതും, സന്തോഷവും,സമാധാനവും നിറഞ്ഞതാകട്ടെയെന്ന് പ്രാര്ഥിക്കുന്നു. എല്ലാ കൂട്ടുകാര്ക്കും ഹൃദയം നിറഞ്ഞ പുതുവത്സരാശംസകള്....
മലയാളമേ നിന്റെ വാക്കുകള്ക്കുള്ളത്ര മധുരം തുടിക്കുന്നതേതു ഭാഷ. ഞാനൊരു എഴുത്തുകാരി അല്ല, മലയാളത്തെ അതിയായി സ്നേഹിക്കുന്ന ഒരു മലയാളി. പാതിവഴിയില് ഉപേക്ഷിച്ച് പോയ അക്ഷരങ്ങളെ, എന്റെ സ്വപ്നങ്ങളെ വീണ്ടും നെഞ്ചോട് ചേര്ത്ത് പിടിക്കാനുള്ള ഒരു എളിയ ശ്രെമം....
Wednesday, December 31, 2014
Sunday, December 14, 2014
ഗസല്.....
കാറ്റിലൂടെ ഒഴുകി വന്ന ഗസലിന് ഈരടികള്
ഒരു സാന്ത്വനമായി മനസ്സിനെ തഴുകി തലോടി
പ്രണയാര്ദ്രമായ ഗസലിന് വരികള്
മധുരനൊമ്പരമായി മധുമാരിയായി പെയ്യ്തിറങ്ങി
നീ തീര്ത്ത ഗാന പ്രപഞ്ചത്തില്, എല്ലാം മറന്ന്
പ്രകൃതി,സന്തോഷാശ്രുക്കള് പുതുമഴയായി വര്ഷിച്ചു....
നിന്റെ സിത്താറില് നിന്ന് ഉതിര്ന്ന് വീണ
സപ്ത സ്വരങ്ങള്, പാട്ടിന്റെ പാലാഴിയായി
ഒരിക്കലും നിലക്കാത്ത വേണുഗാനമായി
ഗന്ധര്വ നാദമായി ഒഴുകി എത്തി
അന്ന് നീ പാടിയ പാട്ടിന്റെ പല്ലവി അറിയാതെ
ഞാനിന്നും മൂളിടുന്നു...
നിന്റെ സ്വര മാധുരി മനുഷ്യ മനസ്സുകള്ക്ക്
എന്നും സാന്ത്വനമാകട്ടെ, മുളം തണ്ടിലൂടെ
ഒഴുകി വരും പ്രീയ ശ്രീ രാഗമായ്..............
ഒഴുകി വരും പ്രീയ ശ്രീ രാഗമായ്..............
Sunday, December 7, 2014
സ്മരണ...
ഡിസംബറിലെ ഒരു തണുത്ത രാത്രിയില്
യാത്രാമൊഴി പോലും ചൊല്ലാതെ
നീ എന്നില് നിന്നും പറന്ന് അകന്നു
നീ തന്ന സമ്മാന പൊതികളെക്കാള്
വിലപ്പെട്ടതായിരുന്നു നീ എനിക്ക്
തന്ന സ്നേഹം......
ഒരു പാട് ചോദ്യങ്ങള്ക്കുള്ള ഉത്തരം
ബാക്കിവെച്ച് നീ മറഞ്ഞുവെങ്കിലും
ചുവരിലെ , ചില്ലിട്ട ചിത്രത്തിലിരുന്ന്
എല്ലാം മറന്ന് നീ ചിരിക്കുമ്പോഴും
നിന്റെ മുഖത്ത് കാണുന്ന വിജയീഭാവം,
അത് തന്നെ അല്ലെ നിന്നെ നീ ആക്കുന്നതും....
അഗ്നി നാളത്തില് കത്തിയമര്ന്ന്
ഒരു പിടി ചാരമായി, കടലില് അലിഞ്ഞ്
ചേര്ന്ന് മായവേ, തീരത്ത് അടിഞ്ഞ
ശംഖില് നിന്റെ പേര് ഞാന് വായിച്ചെടുത്തു
നിന്നെ കുറിച്ചുള്ള ഓര്മ്മകള് എന്നും
ഒരു നൊമ്പരമാണ്,നൊമ്പരമാണ് നിന്
ഓര്മ്മകളെങ്കിലും,ആ നൊമ്പരം പോലും മധുരം....
ഒരു നൊമ്പരമാണ്,നൊമ്പരമാണ് നിന്
ഓര്മ്മകളെങ്കിലും,ആ നൊമ്പരം പോലും മധുരം....
നിന്നെ പോലെ നീ മാത്രം..............
Subscribe to:
Posts (Atom)