കൊഴിയാത്തൊരു ഇതളായി
നീയെൻ ഓർമ്മയിൽ നിറഞ്ഞു നിന്നു
ഓരോ ഇതളിലും നിന്റെ
ഒളി തങ്ങി നിന്നു
വർഷമേഘം കടലായി പെയ്ത്
നിറഞ്ഞപ്പോഴും അഞ്ചിതൾ
പൂവ് പോൽ കൊഴിയാതെ
ഏഴഴകായി നീയെൻ മനസ്സിന്റെ
പൂന്തോട്ടത്തിൽ പൂത്ത് നിന്നു
ഇതളാർന്ന പൂവിന്റെ കൊഴിയാത്തൊരു
ഇതളായി നീയെൻ മനസ്സിൽ വിരിഞ്ഞു
നിന്റെ ഇതളിലെ മധു തേടി
ചിത്ര പതംഗമായ് നിനക്ക്
ചുറ്റിലും ഞാൻ പാറിപ്പറന്നു
വാടാത്ത പൂവിലെ കൊഴിയാത്തൊരു
ഇതളായി നീയെൻ ജീവിത വാടിയിൽ
സുഗന്ധം ചൊരിഞ്ഞു നിന്നു
ഇതളാർന്നു നീ കൊഴിയാനൊരുങ്ങവേ
നിന്റെ സൗരഭ്യത്തെ ആസ്വദിക്കാൻ
ഞാൻ കൊതിച്ചു പോയി
ഇതളാർന്ന മൗനം മിഴിയിൽ
ഒളിപ്പിച്ചു നീ പിരിയാനൊരുങ്ങവേ
ആയിരമിതളായി നീ എൻ മനസ്സിൽ
വിടർന്നു നിന്നു......
No comments:
Post a Comment