മഴ കൊണ്ട് നിറയുന്ന കാര്‍മേഘം
ആയി നീ മാറുമെങ്കില്‍
മഴയത്ത് കേഴുന്ന വേഴാമ്പലിനെ
പോലെ ഞാന്‍ കാത്തിരിക്കാം
നീ വരുമെങ്കില്‍ ......
എന്‍ ധാത്രിയെ തഴുകി വരുന്ന
നിന്റെറ മണമുള്ള വരവിനെ
സന്തോഷത്തോടെ ഞാന്‍ കാത്തിരിക്കാം
നീ വരുമെങ്കില്‍ .....
ഓരോ പുല്‍നാമ്പിനും സന്തോഷം
പകരുന്ന നിന്റെറ കാലടികളെ
നെഞ്ചോടു ചേര്‍ത്ത് വെയ്യ്ക്കാം
പ്രതീക്ഷയോടെ ഞാന്‍ കാത്തിരിക്കാം
നീ വരുമെങ്കില്‍ .....
ആര്‍ത്തട്ടഹസിച്ച് വരുന്ന നിന്റെറ
പ്രളയത്തെ താലോലിക്കാന്‍ എനിക്കിഷ്ടമല്ല
എന്നാലും സ്നേഹത്തോടെ ഞാന്‍ കാത്തിരിക്കാം
നീ വരുമെങ്കില്‍ .....
നിന്റെറ ആനന്ദാശ്രുക്കള്‍ മഴത്തുള്ളിയായി
എന്നില്‍ പൊഴിയുമെങ്കില്‍
എന്നും കൊതിയോടെ കാത്തിരിക്കാം
നീ വരുമെങ്കില്‍ .....
2 comments:
പ്രതീക്ഷകൾ കാത്തിരിപ്പിനും കാത്തിരിപ്പ് യാഥാർത്ഥ്യത്തിനും വഴിമാറുന്നു...
ആശംസകൾ.
വിലയേറിയ അഭിപ്രായത്തിന് നന്ദി, സന്തോഷം ഹരി @ Harinath.....
Post a Comment