ഹൃദയതാളം💕

എന്റെ ഹൃദയമേ

നിന്റെ താളത്തിനൊപ്പമേ 

എന്നും ഞാൻ സഞ്ചരിച്ചിട്ടുള്ളൂ 

നാലറകളുള്ള മാംസപിണ്ഡമാണെങ്കിലും 

എനിയ്ക്കും വിചാരങ്ങളും 

വികാരങ്ങളുമുണ്ടെന്നുള്ള നിന്റെ 

വാക്കുകളെന്നിൽ അലയടിയ്ക്കുന്നു

എന്റെ സ്വപ്നങ്ങളെ 

നിറച്ചിരിയ്ക്കുന്നത് നിന്നിലാണ് 

എന്റെ  ആഗ്രഹങ്ങൾക്ക് പച്ചക്കൊടി 

കാണിയ്ക്കുന്നതും എന്റെ 

ഹൃദയമേ നീതന്നെയല്ലേ 

എന്റെ പ്രിയപ്പെട്ടതെല്ലാം 

നിന്നിലല്ലേ ഞാൻ നിറച്ചിരിയ്ക്കുന്നത് 

എന്റെ ഇഷ്ടങ്ങൾക്ക് സമ്മതം മൂളി 

എന്നും എന്നോടൊപ്പം നിൽക്കുന്നതും 

എന്റെ ഹൃദയമേ നീ തന്നെയല്ലേ  

നീ നിലയ്ക്കുന്ന നിമിഷം 

എന്റെ താളവും നിലയ്ക്കും.....