ഓർക്കാൻ ഓമനിയ്ക്കാൻ
ഒരു നിമിഷം
പീലിത്തുണ്ടായ്‌ മനസ്സിൽ
നിറയുന്ന ആ നിമിഷം
നീയെൻ ചാരേ അണയുന്ന
ശുഭ മുഹൂർത്തം...
കാത്തിരിപ്പിന്റെ ഈണമായ്
പ്രിയതരമൊരു പാട്ടായ്
നീയെൻ തന്ത്രികളെ
തഴുകുന്ന ധന്യ മുഹൂർത്തം
പെയ്യാൻ വിതുമ്പുന്ന വർഷമേഘമായ്
മഴയെ പ്രണയിക്കുന്ന വേഴാമ്പലായ്
നീയെന്നിൽ പെയ്തിറങ്ങുന്ന
സുവർണ്ണ നിമിഷം....
നിറയാൻ മോഹിയ്ക്കുന്ന പുഴയായ്
തുളുമ്പാൻ കൊതിയ്ക്കുന്ന നിറകുടമായ്
നീയെന്നിൽ നിറയുന്ന അസുലഭ നിമിഷം
കാണാതെ പോയൊരു സുന്ദര സ്വപ്നമായ്
നീയെന്നിൽ നിന്നും അകന്നു പോകുന്ന
സാന്ദ്ര നിമിഷം....
No comments:
Post a Comment